Hruaitu thar inthlan a hun leh dawn ta. Kum 2010 a MCF hruaitu tur te chu December 13, 2009 ah MCF Biak inah inthlanna buatsiah leh tur a ni a. Mipui te a tam thei bera kal turin kan insawm e. Hruaitu hna hi mi zawng zawngin kan thawk thei vek ang. Mahse, hruaitu tura tling leh tha, inpe zo tak nih erawh thil har tak a ni thung awm e. MCF Executive Committee chuan mi 20 a thlang chhuak a, heng bakah hian mipui lam atangin hruaitu tura tha kan tih te mi 5 nominate lehna hun a awm dawn a ni. Tunah hian mi 20 thlan chhuah an ni a, chung mite chu:
1. Pu Hualsailova
2. Pu Lalzuiliana
3. Pu K Vanlalnghaka
4. Pu Ngursaithuama
5. Pu R.Lalnunmawia
6. Tv.H.Lalhlanhlua
7. Pu Lalvenzela
8. Pu Khalhliana
9. Pu B Zarzoliana
10. Tv MS Dawngliana
11. Pu Lalnunmawia
12. Pu Lalbiakkhuma
13. Pu Lalchuhvala
14. Pu Biakenga *
15. Pu Lalhmunsiama *
16. Tv.Edenthara *
17. Pu Lalpeka *
18. Pi Zohnemsangi *
19. Pi Biakmawii *
20. Pi Lungtiawii *
A chunga tarlan te hi kum 2010 MCF hruaitu ni tura beisei te an ni a, inthlan niah mipui lam atangin mi 5 thlan chhuah leh a ni ang. Chung mi 25 te atang chuan President, Secretary, Treasurer, Auditor (5) te thlan tur a ni. Hming tawpa * awm te hi kum 2009 MCF EC member a tel lo zawng te an ni e. MCF tana mi thahnemngai tak, Pathian tihmi kan thlan theih nan tawngtaina nen i tang ang u.
Sunday, November 8, 2009
Wednesday, November 4, 2009
ZO NUN MAWI
F.Lalrammawia, Pingkhung
THEOLOGICAL ZIRLAI THALAI PAWL VUL ZEL TUR hminga buatsaih thar (hmasak ber) lehkhabuah ‘Zo Nun Mawi’ tih thu ziak turin min sawm ve hi ka lawm khawp mai. Khawvela hnam tinte hian ‘Nun Dan Mawi’ kan tih a inang vek kher lo vang. Tuna kan han ziak hi ‘Zo Nun Mawi’ tih kher a ni a. Chutih ruala kan hriat tel tur thil tul tak pakhat chu: kan chenna ram, hmun leh khua a thuhmun vek lo angin ‘Zo Nun Mawi’ kan tih rau rau pawh a thuhmun vek kher lo mai thei. Chu bakah Nun Mawi sawi kim mai sen rual loh a awm dawn a ni. Kan sawi lan chhun chhunte hi keimahni nun theuh kaihruaitu ni thei sela chuan kan thu ziak hi kan hlawhtling a ni mai ang.
Zo-fate hian inthlun khawmna kan nei a. Chu mi zinga sawi hlawh deuhte chu: Rih lipui/ Rih dil te, Tiau lui te, Buannel Ram te, Chhura thawnthu leh Liandovate unau thawnthu tih ang chite hi a ni ti phawt ila. Thil hlui takte leh kan ngaihdan hlui pui pui te, pi pute tawng hman (tawng upa) kan tihte thleng hian Zo-fate min thlung khawmtu a ni a. Sawi hlawh ve tak ram/ hmun pakhat han tar lang zeuh ila, kan rilru chu hmun khatah kan khalhkhawm theih deuh a rinawm.
THEOLOGICAL ZIRLAI THALAI PAWL VUL ZEL TUR hminga buatsaih thar (hmasak ber) lehkhabuah ‘Zo Nun Mawi’ tih thu ziak turin min sawm ve hi ka lawm khawp mai. Khawvela hnam tinte hian ‘Nun Dan Mawi’ kan tih a inang vek kher lo vang. Tuna kan han ziak hi ‘Zo Nun Mawi’ tih kher a ni a. Chutih ruala kan hriat tel tur thil tul tak pakhat chu: kan chenna ram, hmun leh khua a thuhmun vek lo angin ‘Zo Nun Mawi’ kan tih rau rau pawh a thuhmun vek kher lo mai thei. Chu bakah Nun Mawi sawi kim mai sen rual loh a awm dawn a ni. Kan sawi lan chhun chhunte hi keimahni nun theuh kaihruaitu ni thei sela chuan kan thu ziak hi kan hlawhtling a ni mai ang.
Zo-fate hian inthlun khawmna kan nei a. Chu mi zinga sawi hlawh deuhte chu: Rih lipui/ Rih dil te, Tiau lui te, Buannel Ram te, Chhura thawnthu leh Liandovate unau thawnthu tih ang chite hi a ni ti phawt ila. Thil hlui takte leh kan ngaihdan hlui pui pui te, pi pute tawng hman (tawng upa) kan tihte thleng hian Zo-fate min thlung khawmtu a ni a. Sawi hlawh ve tak ram/ hmun pakhat han tar lang zeuh ila, kan rilru chu hmun khatah kan khalhkhawm theih deuh a rinawm.
Monday, November 2, 2009
MCF in mission chawm zawm dawn, India lam titawp thung
Kum 2009 chhungin Missionary pathum chawm a ni a, India Mizoram Synod kaltlangin pakhat, Burma MEF kaltlangin mi pahnih kan chawm a. Kumin chhunga missionary pathum kan chawm te hi single vek an ni a, India lama kan chawm hi thlakhatah Rs.1000/- (sang khat) a ni a, Burma lama kan chawm te hi thlakhatah Ks.40000/- (Singli) a ni. Kum 2010 ah pawh missionary chawm chhunzawm leh tur a ni a. Amaherawhchu, India lam hi chawlh a ni tawh dawn a, Myanmar Evangelical Fellowship (MEF) kaltlangin single mi pahnih chawm chhunzawm a ni leh dawn a ni. MCF in missionary kan chawmna sum hi KL MCF ah chuan thla khata Chawlhni vawi hnihnaah thawhlawm khawn thin a ni a, Biak in kawngka bulah mission bawm hun a ni bawk. Tin, Branch tin te atanga mission puala thawhlawm an khawn atanga missionary chawm thei kan ni.
Lal Isua chuan, “...Kal ula, hnam tina mi zirtirahte siam ula...” a ti a. Mi zawng zawng hi kal chhuak a, missionary thawk vek tur erawh chuan a tih hmel loh a ni. Mahse, kal chhuak a, Thlarau bo kan chhanchhuah theihna chu kan sum leh pai hmang te hian a ni. I thawh chhuak sum leh pai hmang khan thlarau bo i chhanchhuak thei a ni tih hriat nawn fo a tha a, i theih tawkin missionary tan sum thlak ang che.
Lal Isua chuan, “...Kal ula, hnam tina mi zirtirahte siam ula...” a ti a. Mi zawng zawng hi kal chhuak a, missionary thawk vek tur erawh chuan a tih hmel loh a ni. Mahse, kal chhuak a, Thlarau bo kan chhanchhuah theihna chu kan sum leh pai hmang te hian a ni. I thawh chhuak sum leh pai hmang khan thlarau bo i chhanchhuak thei a ni tih hriat nawn fo a tha a, i theih tawkin missionary tan sum thlak ang che.
Saturday, October 31, 2009
I Thu Ang Zelin Ka Chungah Thleng Rawh Se (Luka 1:38)
Palai Editorial
Kan Editor-in tun tum Editorial nang rawn ziak teh, min tih rual chiahin he thu hi ka rilruah a lo lang nghal a, thil tam tak ngaihtuah chungin ka han ziak ve leh ta a ni. He thu hi Isua nu, Mari tawngkam chhuak a ni a, a nulat laiin Pathian vantirhkoh Gabriela’n a rawn be thut mai a, Pathian biak tih loh vekah chuan Gabriela biak nih chu heng hun lai pawh hian mi tupawhin an chak theuh awm e. Mari ngei pawh hian a chak rilru ve ngeiin a rinawm. Mahse vantirhkoh thu rawn sawi erawh chu lungngaihthlak tak a ni thung.
Zir mite sawi dan chuan Mari hi kum 16 mi vel nula tuaitir tituai mawi tan lai Sap-in Sweet Sixteen an tih hun lai vel hi a ni awm e. Chu mai bakah mi nupui hual lawk tawh niin hun rei lote-ah a duh tak Zosefa nen innei mai tur an ni nghe nghe a. Chutiang dinhmuna a din laia vantirhkoh-in a chunga thil thleng tur a rawn sawi hi ngaihtuah tur a tam duh viau ang.
Pathian hian kan vanglai kan that leh mawi hun lai taka mi biak a duh thin. Khawvel thila kan duh ber leh hmangaih berte aiin a thu kan ngaihpawimawh leh pawimawh loh min fiah fo thin a ni.
Kan Editor-in tun tum Editorial nang rawn ziak teh, min tih rual chiahin he thu hi ka rilruah a lo lang nghal a, thil tam tak ngaihtuah chungin ka han ziak ve leh ta a ni. He thu hi Isua nu, Mari tawngkam chhuak a ni a, a nulat laiin Pathian vantirhkoh Gabriela’n a rawn be thut mai a, Pathian biak tih loh vekah chuan Gabriela biak nih chu heng hun lai pawh hian mi tupawhin an chak theuh awm e. Mari ngei pawh hian a chak rilru ve ngeiin a rinawm. Mahse vantirhkoh thu rawn sawi erawh chu lungngaihthlak tak a ni thung.
Zir mite sawi dan chuan Mari hi kum 16 mi vel nula tuaitir tituai mawi tan lai Sap-in Sweet Sixteen an tih hun lai vel hi a ni awm e. Chu mai bakah mi nupui hual lawk tawh niin hun rei lote-ah a duh tak Zosefa nen innei mai tur an ni nghe nghe a. Chutiang dinhmuna a din laia vantirhkoh-in a chunga thil thleng tur a rawn sawi hi ngaihtuah tur a tam duh viau ang.
Pathian hian kan vanglai kan that leh mawi hun lai taka mi biak a duh thin. Khawvel thila kan duh ber leh hmangaih berte aiin a thu kan ngaihpawimawh leh pawimawh loh min fiah fo thin a ni.
Tuesday, October 27, 2009
Jalan Alor leh a chhehvel
Malaysia chhuahsana ram thumna thleng tawh te chuan heng kawng hi chhun leh zana in lo kal chhukchhoh tawhna a ni a, eng emaw chang chuan a ngaihawm ve ngawt thin lovang maw! Nge, in hre chang tawh lo zawk aw...??? Khawhar phenah han thlir ve leh mai mai teh u'n.
